Вардар веќе продаде 15.000 билети за мечот со Црвена звезда 

Вардар објави дека веќе се продадени 15.000 билети за хуманитарниот натпревар против Црвена звезда кој ќе се одигра на 16 април.

Половина стадион веќе е распродаден, дуелот меѓу Вардар и Црвена звезда предизвикува сериозен интерес и голема е веројатноста трибините да бидат полни.

„Хуманитарниот натпревар во корист на настраданите од трагедијата во Кочани, помеѓу ФК Вардар од Скопје и Црвена Ѕвезда од Белград, предизвикува огромен интерес. На 9 дена до натпреварот продадени се повеќе од 15.000 билети.
Заради тоа управата замолува посетителите да влезат на стадионот најмалку половина час порано, односно околу 19.30 часот. Со цел да се избегнат гужвите при влегувањето.

Фан зоната на гостинскиот клуб ќе биде лоциарана кај фонтаната во Градскиот парк. Ги замолуваме гостинските навивачи да купуваат влезници за Источната трибина.
Билетите се стриктно нумерирани и броени, така да нема да има никакво неовластено и прекумерно влегување на натепреварот.

Возила без VIP и V-VIP акредитации нема да можат да велгуваат и да се паркираат околу стадионот, односно нема да можат да се движат во правец на стадионот подалеку од Министерството за земјоделство.

Влезот за хендикепирани лица кои се движат со помош на инвалидски колички ќе биде од сервисниот влез на југо-исток, а ќе можат да бидат придружувани од едно лице. За тие лица да можат да добијат билет/дозвола за влез, предходно треба да се пријавата на

e-mail: info@fcvardar.com“, стои во соопштението на Вардар.