Андоновска: СДС да не го брани криминалот на Заев, Филипче и Николовски во вредност од 800.000 евра, туку да го осуди и да се огради од истите

Почитувани претставници на медиумите, почитувани граѓани,

СДС очајнички ги брани криминалците од своите редови, како Трајан Димковски, кој по насока на Заев, Филипче и Николовски извршил отпис на 2000 тони јачмен и пченица, и го оштетил буџетот за близу 800.000 евра. 

Наместо да се оградат и да го осудат ваквото девијатно однесување на Димковси, тие ревносно го бранат криминалот вреден 800 илјади евра.

Во услови на глобална криза, за Заев, Филипче и Николовски приватниот интерес секогаш беше на прво место. Јавноста мора да знае, дали отпишале 2.000 тони јачмен и пченица од стоковите резерви, па преку Димковски овие продукти завршувале на црн пазар во соседна држава? Дали исто така, Димковски ќе одговара за сите овие тројца кои се прв ешалон на тогашната власт? Затоа ли Николовски е толку гласен деновиве? Дали во СДС има страв дека се одмотува клопчето и ќе се дознае вистината?

Ако СДС сака да се реформира, мора да се огради и дистанцира од криминалците во своите редови, почнувајќи од Заев, Филипче и Николовски.


Линк од видео материјал: 

https://www.youtube.com/watch?v=qnTcnSVPh7U

Центар за комуникации на ВМРО-ДПМНЕ