Алиоски се врати во Европа, потпиша за Лугано 

Македонскиот репрезентативец, Езгјан Алиоски ја заврши саудиската авантура и се врати во Лугано, клубот каде ја доживеа вистинската промоција.

Швајцарскиот клуб го потврди враќањето на Алиоски кој стави потпис на двегодишен договор со Лугано.

„Лугано со задоволство може да го соопшти враќањето на Езгјан Алиоски. Македонецот стави потпис на двегодишен договор со трајност до 30 јуни 2027 година со опција и за подолг престој“, стои во соопштението на клубот од Швајцарија.

Алиоски претходно дресот на Лугано го носеше од 2015 до 2017 година од каде потоа замина во Лидс.

Алиоски во Ал Ахли не се изнаигра, па овој трансфер веројатно ќе значи и далеку поголема минутажа за македонскиот репрезентативец.