Адријана Поп Арсова се пласираше на СП во Атлетика – Токио 2025 

Македонската рекордерка Адријана Поп Арсова успеа да обезбеди пласман на Светското првенство во атлетика Токио 2025, станувајќи првата атлетичарка во историјата на македонската атлетика која ќе настапи на три последователни светски првенства (Орегон 2022, Будимпешта 2023 и Токио 2025).

Поп Арсова успеа да го оствари критериумот за учество и се најде меѓу најдобрите 100 маратонки во светот, обезбедувајќи директен пласман преку ранкинг-листата на Светската атлетика (World Athletics).

Овој резултат е уште еден доказ за континуираниот напредок и професионалниот развој на македонските атлетичари, како и потврда за вредноста на вложувањата во македонската атлетика.

Светското првенство ќе се одржи во перидот од 13 до 21 Септември во Токио, Јапонија, во 2025 година, каде најдобрите атлетичари од целиот свет ќе се борат за светската титула. Македонија ќе има двајца свои претставници во Адријана Поп Арсова и Дарио Ивановски, кои ќе настапат во дисциплината маратон.