„Августовски вирус“ – промената на температурите проблем за децата, но и возрасните 

Месец август, со високи дневни температури и свежи ноќи, донесе забележително зголемување на случаи со повраќање, дијареа, температура и општа слабост.

Доктор Седат Лумани вели дека вирусот ги погодува сите возрасни групи, но особено се ризични повозрасните и лицата со ослабен имунитет.

Сега имаме студени ноќи, во некои места температурата паѓа под 10 степени, додека дневната надминува 30. Оваа разлика го активира имунолошкиот систем, што се манифестира со течење на нос, кашлање, кивање, болки во мускулите, слабост – сето тоа се симптоми кои се слични и кај вирусни и кај бактериски инфекции, вели лекарот Седат Лумани.

Овие симптоми, според Лумани, може да бидат и знак за Ковид-19, бидејќи коронавирусот еволуирал и денес се манифестира со симптоми слични на гастроинтестинални вируси.

Од Институтот за јавно здравје информираат дека во јули се регистрирани 27 позитивни случаи.

„Во последно време имаме мал пораст на инфекции на горниот респираторен систем кај возрасните, но мора да напоменеме дека сè уште има и нови случаи на корона“, велат од ИЈЗ.

Ако симптомите се силни и не поминуваат неколку дена, неопходно е да се посети лекар, бидејќи можни се компликации.

„Августовските компликации можат да доведат до инфекции на горниот респираторен систем, кои често се спуштаат и на долниот, како бронхит, бронхопневмонија, плеврит и други компликации“, велат од ИЈЗ.

Иако во најголем број случаи вирусот поминува за неколку дена без сериозни последици, властите предупредуваат дека август е „критичен“ месец за ширење на гастроинтестинални инфекции.

Најдобра заштита остануваат личната хигиена и претпазливост