Ѓорческа со победа тргна на турнирот во Куршумлијска Бања 

Најдобрата македонска тенисерка победнички го стартуваше турнирот во Куршумлијска Бања совладувајќи ја Американката Ели Шоп со 2-0 (6-4, 7-6).

Во првиот сет двете тенисерки беа одлични на свој сервис, Ѓорческа освои еден брејк кој направи разлика и ѝ овозможни да поведе со 1-0.

Во вториот сет Американката почна подобро, поведе со 2-0, но Ѓорческа го врати загубениот сервис и изедначи на 2-2. Сетот стигна до тајбрејк кој Лина го доби со убедливи 7-2.

Ѓорческа во осминафиналето ќе игра против Анастасија Золотарева од Русија.

Македонската тенисерка е втора носителка на турнирот, денеска беше елиминирана првата носителка што значи дека Лина е фаворит на хартија за пехарот.