Шведска испраќа три воени бродови во Балтичкото Море 

Шведска ќе испрати три воени бродови во Балтичкото Море како дел од активностите на НАТО за зајакнување на присуството на воената алијанса во тој дел од светот, соопшти денеска шведската влада.

Шведската армија ќе испрати и извидувачки авион АСЦ 890, се вели во соопштението на владата.

Шведска стана 32-та членка на западната воена алијанса во март, откако Русија ја нападна Украина.

Владата најави дека ова ќе биде првпат Шведска, како сојузник на НАТО, да придонесува за вооружените сили.

Одлуката е донесена откако серија инциденти на Балтикот ја зголеми загриженоста за можните руски активности во регионот.