Снимка од воздух која најдобро покажува каков хаос влаее попладнево на скопските бензински (ВИДЕО)
По информацијата за огромното зголемување на цените на нафтените деривати почнаа да се создаваат редици пред бензинските пумпи.
Од вечерва на полноќ престануваат да важат намалените акциза и ДДВ за горивата, па Регулаторната комисија за енергетика донесе одлука да ги поскапе бензинот и дизелот.
Новата цена на бензинот е 104 денари за ЕУРОСУПЕР 95 и 106,5 денари за ЕУРОСУПЕР 98, што е поскапување за 9, односно 9,5 денари. ЕУРОДИЗЕЛОТ поскапува за 9 денари на 95 денари.
Од Регулаторна комисија објаснуваат дека цената на нафтата и нафтените деривати на светскиот пазар не се поскапени од претходната пресметка, па поскапувањето се должи на промената на износот на акцизата и данокот на додадена вредност.
Намалувањето на давачките за горивата беше една од мерките на Владата донесени на 12 март да се преброди економската криза предизвикана од енергетската криза и војната во Украина и беа со важност до денеска.
Со мерките беше укинат и ДДВ за основните прехранбени продукти, а од утре повторно ќе биде 5 отсто.
