Само во рацете носеше 30.000 е, а да видите колку чини минијатурното здолниште на Цеца (Фото)

Светлана Цеца Ражнатовиќ се појави на снимањето на емисијата „Ѕвездите на Гранд“ во облека која го одзема здивот, а на тоа потрошила цело богатство. Пејачката во студиото на Кошутњак се упатила со својот луксузен BMW автомобил, а кога излегла присутните останале забезекнати.

Пејачката носела комплет од превртена кожа, на луксузниот моден бренд „Miu Miu“, за кој потрошила неверојатни 7.850 евра – 3.200 евра за здолништето и 4.650 евра за јакната! На нозете носела кратки каубојски чизми, со иста боја и материјал, од брендот „Изабел Марант“, за кои платила 690 евра, додека во рацете држела црна кожена чанта „Хермес“ Биркин, која чини „мизерни“ 30.000 евра! Целиот овој младешки изглед го заокружи со наочарите од Dolce & Gabbana вредни околу 600 евра. 

Цеца не само што ги засени учесниците и колегите од жирито на ова музичко натпреварување, туку и ја собори машката популација, за тоа докажа и Ѓорѓе Давид кој и упати низа комплименти за нејзиниот изглед.

– Во месецот на мачките Цеца е најдобрата „мачка“ во жирито – им порача Ѓорѓе Давид на насобраните новинари, кои Цеца ги сретна непосредно пред влезот на студиото. Откако му се заблагодари за комплиментот, таа го коментираше неговиот физички изглед:

– Не гледам така на колегите, но Ѓорѓе навистина се грижи за својот физички изглед, што можете сами да го видите и заклучите и тоа е многу убаво.

Додека некои со неверување гледаат во стајлингот на Цеца, коментирајќи дека не е нормално некој да одвојува толку пари за само едно појавување во јавноста, нејзините блиски пријатели велат дека тоа не е многу со оглед на нејзината месечна плата.

– Цеца е една од нашите најдобри и најплатени пејачки и нејзиниот настап чини 50.000 евра! Ако на тоа се додадат бакшишите кои се огромни и незаменливи кога се работи за неа, и хонорарот од жирито на натпреварот „Ѕвездите на Гранд“, потоа емисијата „Цеца шоу“ што ја води на телевизија Блиц, како и дополнителните работни места што ги има, тогаш не треба да не чуди што не ја гледа цената кога избира што да купи и облече – вели добро информиран извор.

Извор: Kurir.rs