Намалено органското производство на жито и мед, зголемено на зеленчук и овошје 

Во земјава лани имало 2 486 хектари со органско производство на житни култури и е остварен принос од 3 869 тони, соопшти Државниот завод за статистика.

Во однос на 2021 година, органското производство на житните култури е намалено за 1.8 %, кај индустриските култури производството е зголемено за 48.1 %, кај фуражните култури производството е намалено за 16.3 %, кај зеленчукот е зголемено за 84.2%, кај овошките е зголемено за 30.2 % и 10.9 % е растото кај органски лозови насади.

Вкупниот број на органски говеда е 7 821 грло и во вкупниот број говеда учествува со 4.8 %. Учеството на органски овци во вкупниот број овци изнесува 16.1 %, а органските кози учествуваат во вкупниот број кози со 6.4 %.

Производството на органски мед во 2022 година е намалено за 25.5 % во однос на 2021 година, а бројот на пчелни семејства во истиот период е намален за 14.6 %.