Зеленски со понуда до Путин: Подготвен сум да ги ослободиме руските воени заробеници во замена за безбеден премин од Мариупол 

Ќе ги ослободиме руските затвореници во замена за безбеден премин од Мариупол, предложи до Русите, украинскиот претседател Володимир Зеленски по посетата на претседателот на Европскиот совет, Шарл Мишел.

Зеленски потврди дека е подготвен да ги ослободи руските воени заробеници во замена за безбедно минување на цивилите и украинските војници од Мариупол.

Се верува дека околу 100.000 луѓе останале во опколениот јужен град.

Тој додаде дека ситуацијата во градот се влошува бидејќи војната продолжува и верува дека стотици ранети се без пристап до медицинска нега. Зеленски го повтори тврдењето дека во комплексот Азовстал, заедно со преостанатите украински одбранбени сили, има околу 1.000 цивили.