Девет милиони евра се трошеле за изградба на еден километар за автопатот Кичево-Охрид 

РЕВИЗОРИТЕ СО ЗАБЕЛЕШКИ ЗА ИЗГРАДБА НА ПАТОТ КИЧЕВО – ОХРИД

Долгата изградба на автопатот Кичево – Охрид ја потврдија и ревизорите. Тие наведуваат дека и по една деценија завршени се само 40 отсто од трасата.

Констатирале дека досега еден километар чини рекордни 9 милиони евра, а поради низата пропусти од самиот старт проектот е издвоен како најпроблематичен чија цена скокнала за 45 отсто од првично планираната. Станува збор за дополнителни 187 милиони евра и најчесто за него се продолжувал и рокот на изградба.