Грција одбива да ги прифати бегалците кои Германија сака да ги депортира 

Грчкиот министер за миграции и азил Макис Воридис изјави дека Грција нема да ги прифати барањата од Германија за враќање на бегалците кои веќе поднеле барање за азил во соседната земја.

Воридис вчера за телевизијата Скаи кажа дека таквото враќање не доаѓа предвид во сегашните околности, имајќи предвид дека Грција веќе има најголем број бегалци по глава на жител во Европската Унија, заедно со Кипар.

Одговарајќи дека извештајот дека германски суд дозволил депортации во грција, Воридис истакна дека таквата мерка не бои го решила мигрантското прашање. „Некои луѓе заминале од Грција во Германија, каде сега поднесуваат барања“, кажа Воридис.

„Грција во моментов е втора земја според притисокот по глава на жител во однос на миграциите и барањата за азил, не можеме сега да зборуваме за враќања“, додаде тој. „Сè додека не постои праведна распределба на товарот во рамки на Европската Унија, Грција нема да прифати никакви враќања“.

Воридис истакна дека, ако Германија побара вражање на бегалците, правните прашања би биле разгледани. „Во моментов нема никакви барања. Меѓутоа, нема да бидеме особено пријателски настроени кон таквото барање“, кажа тој.

Според важечкиот Даблински договор на Европската Унија, барателите на азил мора да ја завршат постапката за азил во првата земја од ЕУ во која стигнале. Минатото лето Сојузниот управен суд во Лајпциг пресуди дека двајца мажи на кои им се заканува депортација во Грција не би биле изложени на нехумани или понижувачки услови по враќањето.

Двајцата се преселиле во Германија и таму поднеле нови барања за азил, но властите ги прогласиле за недозволени и се издадени наредби за депортација во Грција. Судот утврди дека, иако лицата со заштитен статус во Грција имаат многу ограничен пристап до државна помош, нема значителна веројатност дека би претрпеле екстремна материјална немаштија.

Грција јасно порачува дека нема да прифати враќање на бегалци од Германија додека не дојде до поправедна распределба на одговорноста меѓу членките на ЕУ. Иако германските судови сметаат дека условите за враќање не се нехумани, Атина истакнува дека веќе е под преголем притисок и бара солидарност на европско ниво.