Четири тужби за пожарот во модуларната болница во Тетово

Основното обвинителство во Тетово, како јави Алсат, ќе поднесе пријави против три физички и едно правно лице за пожарот во модуларната болница. Предметот се очекува следната недела да биде доставен до судот во Тетово.

„Обвинителите на предметот реферираа до Републичкото обвинителство и предметот е при крај. Во текот на наредната недела се очекува предметот да биде доставен до судот во Тетово на понатамошна постапка. По завршувањето на истрагата ќе биде поднесена пријава против три физички и едно правно лице“, наведуваат од републичкото обвинителство.

На 8 септември лани се случи страотен пожар во модуларната болница, во кој загинаа 14 лица. По трагедијата, тогашниот министер за здравство Венко Филипче и неговиот заменик Илир Хасани понудија оставки, но поранешниот премиер Зоран Заев не им ги прифати. Оставки поднесоа генералниот директор на тетовска болница Флорин Бесими и економскиот директор Артан Етеми.