Пет лица повредени, меѓу кои и малолетничка, во сообраќајка кај Хиподром 

При судир на две возила кај Хиподром настрадаа 4 лица, од ко иедно е тешко повредено.

На 21.08.2022 во 18.35 часот  во СВР Скопје било пријавено дека на автопатот „Мајка Тереза“-клучка Хиподром се случила сообраќајна несреќа помеѓу патничко моторно возило „бмв 318“ со австриски национални ознаки, управувано од К.Б.(26) од Австрија и патничко моторно возило „опел инсигниа“ со скопски регистарски ознаки, управувано од Б.Н.(69) од Скопје, соопштија од полицијата. 

Во несреќата со тешки телесни повреди се здобила сопатничката Ј.Н.(66) од возилото „опел инсигниа“, а со телесни повреди се здобиле двајцата возачи и Д.Ј.(29) и уште една малолетна сопатничка, двете од возилото „бмв“, констатирани во Комплексот клиники „Мајка Тереза“. Извршен бил увид од увидна екипа од СВР Скопје.