Над 120 македонски уметници ќе бидат дел од проектот за одбележување на 35 години независност на Македонија
Можеби сега после сите овие говори на уметници следува оној дел во којшто политички мораме да ја кажеме определбата на Владата за еден ваков грандиозен проект.
Јас несомнено тврдам дека интернационалните ѕвезди се вредни за почит, но македонските уметници, македонската култура се оние коишто го носат духот на една нација и сум исклучително горда и јас, но и целата Влада што еве успеавме да влеземе во една ваква организација преку еден ваков проект каде што над 120 македонски уметници ќе бидат дел од за мене можеби најважниот проект во овој дел за 35 години независност на Република Македонија.
Исклучителна благодарност до сите учесници, исклучителна благодарност и до оние уметници коишто за жал не успеаја денес овде заедно со нас на прес-конференцијата.
Како Влада етапно ќе ги соопштуваме и останатите проекти коишто се дел од оваа прослава по повод 35 години независност.
Уште еднаш ви благодарам на сите од името на Владата и ценам дека нашата определба достоинствено да одбележиме 35 години независност ќе успееме да го направиме тоа токму преку вас.
