И со закажани термини, пациенти долго чекаат за лекарски прегледи

И со закажани термини, пациенти долго чекаат за лекарски прегледи

Термините на пациентите не се на прво место за некои од клиниките при Клиниката „Мајка Тереза“ во Скопје. Сега кога почнаа годишните одмори на лекарите, чекањето на пациентите е уште подолго. Поради тоа многу пациенти бараат врски за да добијат упати со приоритет, а некои велат дека даваат и подароци.

Од официјалните служби на платформата „Мој термин“ велат дека отварањето на термините зависи од самите лекари специјалисти, метод кој од Министерството за здравство одамна најави дека ќе го промени.

Според нив, самата управа на клиниките би требало да ги отвора соодветните термини секој ден, независно од тоа кој лекар е дежурен за граѓаните да не остануваат да чекаат.

Ова стана дополнителен проблем за време на пандемијата кога медицинскиот персонал беше изолиран или заразен. Сега пак, многу лекари се на годишен одмор./Alsat.mk