Столтенберг: Киев ќе мора да направи одредени територијални отстапки на Москва 

Украина да одлучи колку територија е подготвена да жртвува за мир, вели генералниот секретар на НАТО, Јенс Столтенберг. 

Тој изјави дека Алијансата предводена од САД има за цел да ја зајакне позицијата на Украина на преговарачката маса, но додаде дека секој мировен договор ќе вклучува компромиси, вклучително и територија. Според него, мирот е можен.  Вели дека Киев ќе мора да направи одредени територијални отстапки на Москва за да се стави крај на сегашниот конфликт.

Украинскиот претседател Владимир Зеленски потврди дека неименуваните странски страни се обидуваат малку да ги „турнат“ кон договор, додека јавноста во земјите што ја поддржуваат Украина е „уморна од војната“. 

Жестоки борби се водат во градот Северодоњецк. Војната почна на 24 февруари.