Русија или САД: Која земја има повеќе нуклеарно тактичко оружје во Европа

Русија денеска објави дека забрзаното распоредување на тактичко нуклеарно оружје – модернизираните американски нуклеарни гравитациски бомби Б61 во базите на НАТО во Европа ќе го намали „нуклеарниот праг“, што Москва ќе мора да го земе предвид при изготвувањето на натамошни воени планови.

Русија има околу 2.000 тактичко нуклеарно оружје, додека САД има околу 200, од ​​кои половина се во бази во Италија, Германија, Турција, Белгија и Холандија, јави Ројтерс.

Магазинот „Политико“ објави дека САД на затворен состанок на НАТО рекле дека ќе го забрзаат распоредувањето на модернизираната верзија на бомбата Б61, односно новата Б61-12, па новото оружје ќе пристигне во европските бази најрано во декември, неколку месеци порано од планираното.

„Не можеме да ги игнорираме плановите за модернизација на нуклеарното оружје, односно оние неводени бомби кои сега се во Европа“, изјави  рускиот заменик министер за надворешни работи Александар Грушко.

Гравитационата бомба Б61-12 носи помалку моќна нуклеарна боева глава од претходните верзии, но е попрецизна и може да навлезе под земја, според истражувањето на Здружението на американски научници.

„САД ги модернизираат бомбите, ја зголемуваат нивната прецизност и ја намалуваат моќта на нуклеарните полнења, односно ги претвораат тие бомби во „оружје за бојното поле“ со намалување на нивниот нуклеарен опсег“, рече Грушко.

Која земја е најголемата нуклеарна сила во Европа

Ако географски ја исклучиме Русија до Урал, одговорот би можел да биде Франција или Велика Британија. Погрешно. Најголемата европска нуклеарна сила се Соединетите Американски Држави, пишува белградска Политика. Америка, со својот нуклеарен арсенал распространет на речиси целиот „стар континент“, е најголемата европска нуклеарна сила.

Интересно е што изненадувањата не завршуваат тука. Европските земји со нуклеарно оружје на располагање, како што неодамна напиша Политика, ги вклучуваат Турција, Италија, Белгија, Холандија и Германија. Со американска дозвола, тие земји можат да користат нуклеарно оружје, како дел од заедничкиот одговор на НАТО алијансата. До 2001 година во тој клуб беше и Грција, која се повлече.

Преку програмата на НАТО „нуклеарно споделување“, Америка распореди неколку стотици нуклеарни бомби Б-61 во Европа. Станува збор за „класична“, термонуклеарна бомба, со моќност од 0,3 до 340 килотони, која до целта ја носи авион Ф-16. Бидејќи Германија не користи таков тип на авиони и ги повлекува од употреба бомбардерите Торнадо, мораше да го купи Ф-35, кој може да ја носи бомбата Б-61.

Според официјалните податоци, тоа оружје се наоѓа во Италија во воздухопловните бази Авиано и Геди, на 15 километри од Бреша, на северот на Италија. Според воените планови на НАТО од 1980-тите, тие бомби требало да бидат фрлени врз цели во Чехословачка и Унгарија.

Турција сериозена нуклеарна сила на Стариот континент

Бомбите се наоѓаат во Германија во воздухопловната база Бухел, недалеку од границата со Луксембург. Има 11 армирано-бетонски засолништа за авиони, со придружни „сефови“ секој способен да држи 44 бомби Б-61. Но, од тие бомби сега има само дваесетина наводно таму.

Информациите за холандскиот нуклеарен арсенал во 2013 година ги откри премиерот Руд Луберс, кој рече дека во базата Волкел има 22 термонуклеарни бомби.

Најголемиот арсенал на бомби Б-61 се наоѓа во Турција, во базата Инџирлик. Во зависност од изворот, станува збор за бројка од 50 до 100 примероци. Се предвидува дека турските воздухопловни сили располагаат со околу 40 парчиња. Меѓутоа, откако американско-турските односи се влошија во 2017 година, НАТО ја разгледа опцијата за повлекување на бомбардери Б-61 од Инџирлик. Таа тема повторно стана актуелна во 2019 година поради несогласувањата околу Сирија. Што се случило потоа не е познато.

Од друга страна Грција со години беше вооружувана со  противвоздушни ракети „Најк-Херкулес“ кои и тие имаат  можност за носење на нуклеарни боеви глави. Едно време Америка ја снабдуваше и Велика Британија со артилериски гранати после нуклеарни гранати. Но, кога на сето тоа ќе се додаде американскиот нуклеарен арсенал на подморниците и бродовите на Шестата флота, Соединетите Американски Држави се најголемата европска нуклеарна сила, анализира српскиот медиум.