Груевски следната година ќе може да се врати во Македонија – со новиот закон, делата му застаруваат 

Со намалувањето на казните за Злоупотреба на службената положба и овластувањата и за кривичното дело злосторничко здружување, за кои се обвинети или осудени ексфункционерите од ВМРО-ДПМНЕ, Никола Груевски се ослободува веднаш од пресудата од 9 години затвор во предметот „ТНТ“ каде од политичка одмазда урива комплекс „Космос“, како и од обвинението за криминал со кинеските автопати, познато како „Траекторија”, велат пресметките на поранешни обвинители од СЈО, пишува СДК.мк

Груевски нема да може веднаш да се врати од Будимпешта, ќе треба да почека уште една година, да застари пресудата за влијание врз Гордана Јанкулоска незаконски да набави скап мерцедес за него од парите на полицијата.