Годинешната жетва на пченка и сончоглед е најлоша во последните 10 години

Бугарските производители на жито известуваат за најлошата жетва на пченка и сончоглед за последните 10 години. Причината е сувото и екстремно топло лето и пред сè недостигот на наводнување. Во нормална сезона приносите на пченката се околу 700 кг по хектар, но во Русенско каде што се најголемите масиви, земјоделците жнеат 450-500 кг по хектар.

Повеќе е погодена областа Силистра, каде што приносите масовно се движат меѓу 200 и 300 килограми по хектар, изјави за БНТ земјоделецот Станимир Станчев. Загубите ги проценува на просечно 30%, што се пресметува на стотици илјади лева, по исплатата на кириите. Приносите на сончогледот се двојно помали. Поради жештините, бербата на сончогледот започна на почетокот на август – еден месец порано. Во најдобар случај, земјоделците собраа околу 150 кг по хектар – половина од нормалните 280-300 кг.

Некои земјоделци поединечно го решаваат проблемот со недостигот на наводнување со копање бунари. Околу 20 отсто од оризовите полиња во земјава сезонава останаа без водоснабдување од системите за наводнување, бидејќи нивните површини тешко се наводнуваат и според прелиминарната проценка водата нема да стигне до нив. Некои земјоделци очекуваат приноси од 800 килограми по хектар, додека за други резултатите ќе бидат далеку поскромни – околу 400 килограми. Годинава ориз беше засаден на површина од 85 илјади декари.