Времето денеска: Сончево и топло со температури до 29 степени 

Времето денеска ќе биде сончево и топло, информираат од Управата за хидрометеоролошки работи (УХМР).

Наместа ќе дува засилен ветер од јужен правец со над 60 километри на час. Попладне и навечер во северозападните делови од државата ќе има услови за краткотраен пороен дожд и грмежи. 

„Минималната температура ќе биде во интервал од 5 до 11, а максималната ќе достигне од 22 до 29 степени“, 

прогнозираат синоптичарите. 

И во главниот град времето ќе биде сончево и топло со максимална тепература и до 29 степени. 

Според прогнозата на УХМР, во недела на неколку, а од понеделник на повеќе места се очекува да врне пороен дожд, проследен со грмежи, но краткотрајно во форма на невреме. 

Од вторник се очекува опаѓање на тепературата и се очекуваат врнежи од дожд, а на планините и повисоките места и снег. 

Потоа, ќе следува период на стабилно време, но со ниски утрински температури.