ВИДЕО: Голем пожар во Пржино, пожарникари и граѓани се борат да не се прошири огнот 

Напуштена барака попладнево се запали во скопската населба Пржино, а високиот столб од чад кој се издига, може да се забележи речиси од цело Скопје.

Според непотврдени информации, можно е пожарот да настанал по удар од гром во напуштениот објект. 

Десетици жители на населбата се на улицата и се обидуваат да им помогнат на пожарникарите, кои се борат против силниот ветер што се заканува да го прошири пожарот врз околните куќи.

Според скопската противпожарна бригада, интервернираат три возила и дваесетина пожарникари.