Истражување на ЦИА: Раст на стапката на смртност во Европа, Македонија на 42 место на листата од 229 држави 

На ранг листата по смртност во државите, Македонија е рангирана за 42 позиција, покажува дата базата на податоци на американската безбедносна агенција ЦИА, објавена на нивната веб страница. Листата е составена од 229 држави, а на првото место по стапката на смртност во светот е Србија со коефициент од 16,39. Македонија има коефициент од 9,61 смртни случаи на 1.000 жители годишно.

Коефициентот, според методологијата на анализата, се пресметува како просечен годишен број на смртни случаи на 1.000 жители на средината на годината. Податоците се добиени во период кога во светот се уште е актуелна паднемијата со ковид-19, вирус кој беше смртоносен за илјадници луѓе.

Во првите десет места, покрај Србија, се и Романија, Литванија, Летонија, Бугарија,Украина, Русија, Естонија, Белорусија и Хрватска. Сите овие држави се од Европа, па затоа истата група ги зазема првите десет позиции и на листата на европски земји со најголема смртност.

Од земјите од поранешните југословенски простори Хрватска е на 10 место, Словенија е 28, Црна Гора 30, а Босна и Херцеговина е 32.

Податоците од македонскиот државен завод за статистика покажуваат дека минатата година починале 28 516 луѓе. Најчеста причина за смрт биле болестите на циркулаторниот систем (35.9 %), компликации од КОВИД-19 (20.6 %), неоплазмите (13.8 %), ендокрините, нутритивните и метаболичните болести (5.8 %) и болестите на респираторниот систем (4.2 %).

Според истражувањето на ЦИА, загадувањето на воздухот е одговорно за смртта на речиси еден милион деца помлади од пет години секоја година во светот. Според податоците на СЗО, загадениот воздух е причина за 25 проценти или 2,4 милиони од сите смртни случаи од срцеви заболувања во светот, како и 24 проценти (1,4 милиони) од сите смртни случаи предизвикани од мозочен удар, а потоа 43 проценти (1 .8 милиони) од сите смртни случаи од белодробни заболувања и рак на белите дробови.