Мартин излета, Маркез победи на спринтот во Австралија и се качи на првото место

Вистинска драма се случуваше на спринт-трката во Мото ГП за Големата награда на Австралија, Марк Маркез е нов лидер благодарение на неговата победа и киксот на конкурентот Хорхе Мартин.

Марк Маркез тргна од пол позицијата, но Мартин имаше одличен старт, веднаш ги претекна Алекс Маркез и Хоан Зарко. Возачот на Априлија во неколку наврати успеваше да избие на првата позиција, но Марк Маркез веднаш го враќаше водството.

Оваа битка траеше до осмиот круг од вкупно 13, тогаш моторот на Мартин неочекувано се излизга, тој падна и остана без пласман.

Маркез победи без Мартин да освои бодови, а тоа значеше и промена на лидерското место во генералниот пласман.