Одземени се пасошите и возачката на скопјанецот кој го прегази Ќука

Кривичен му одреди мерки на претпазливост на скопјанецот на возраст од 37 години, кој пред два дена го прегази Јорго Ќука на булеварот „Гоце Делчев“. 

На барање на Обвинителството, на осомничениот му се одредени мерки на претпазливост кои подразбираат одземање на македонскиот и на српскиот пасош кои ги поседува, одземање на возачката дозвола, забрана за напуштање на живеалиштето, како и обврска повремено да се јавува кај надлежен државен орган.

Сообраќајката се случи на 3 ноември. Возачот избегал од местото на настанот, но полицијата го уапси потоа. 

фото МВР