Енис Барди замина од Бодрумспор 

Капитенот на македонската фудбалска репрезентација, Енис Барди денеска со емотивна порака се збогува со Бодрумспор преку социјалните мрежи.

Енис Барди во наредниот период ќе треба да си најде нов клуб, неговата авантура во Бодрум заврши.

„Мило семејство на Бодрум, ви благодарам за посветеноста и поддршката во овој тежок период. Можеби не ја остваривме нашата цел, но сигурен сум дека се боревме до крајот, не се предадовме и научивме многу. Секогаш ќе бидете во моето срце“, објави Барди.