Трабзонспор е подготвен да плати 1,5 милиони евра за вардарецот Мато

Големиот турски клуб, Трабзонспор е силно заинтересиран за најдобриот играч во Првата македонска фудбалска лига (ПМФЛ), Роџерс Мато за кого Вардар бара 1,5 милиони евра.

Скаутингот на Трабзон дал позитивен извештај за Мато, а наводно зелено светло за ангажман на фудбалерот има и од Фатих Теке кој во крилниот офанзивен фудбалер гледа идеално засилување.

Во меѓувреме Вардар одби понуда од 350.000 евра од Хартс и објави дека ставил откупна клаузула од 1,5 милиони евра за Мато.

Од Турција има најави дека Трабзон е подготвен да ја плати таа сума и во наредниот период можни се конкретни чекори.

Ако се реализира овој трансфер, тоа ќе биде најскапо продадениот фудбалер од македонското првенство.