Поранешен новинар и сметководител на Берлускони е избран за нов претседател на Серија А

Од Серија А официјално го објавија назначувањето на новиот претседател на лигата, Ецио Марија Симонели. Тој ќе ја преземе функцијата од досегашниот претседател Лоренцо Казини.

По првото гласање на 9 декември, каде Симонели добил 13 гласови, се одржа и вториот круг на гласање, по што е избран конечниот победник. Новоизбраниот претседател, кој има 66 години, го освои вториот круг со 14 гласови, со што ги надминал своите противкандидати Паоло Дал Пино (12 гласови) и Казини (11 гласови).

Ова е прв негов мандат на ваква позиција во спортскиот менаџмент, откако претходно двапати, во 2013 и 2021 година, ги загуби изборите за претседател на Серија Б.

Кариерата на Симонели е доста разновидна. Тој дипломирал економија и трговија на универзитетот во Перуџа, а првично работел како новинар. 

Најинтересниот дел од неговата биографија е поврзан со неговиот период како сметководител на починатиот Силвио Берлускони. Во последниве години, тој беше претседател на Одборот на ревизори на медиумската компанија „Медијасет“, како и соработник во својата правна канцеларија.