Макрон: Израелскиот напад врз Катар е неприфатлив, Абас: Кршење на меѓународното право 

Францускиот претседател Емануел Макрон го критикуваше израелскиот напад врз Катар, нарекувајќи го неприфатлив, „без оглед на причината зад него“.

„Под никакви околности војната не треба да се прошири на целиот регион“, рече Макрон.

Палестинскиот претседател Махмуд Абас рече дека израелскиот напад врз Доха е „грубо кршење на меѓународното право и ескалација што ја загрозува безбедноста и стабилноста на регионот“.

Во соопштението објавено на Икс во име на Абас се нагласува „важноста од итно запирање на оваа ескалација“ и се предупредува дека нејзиното продолжување „ќе има последици не само за регионот, туку и за целиот свет“.

Функционер на Хамас изјави за Ал џезира дека раководството на организацијата го преживеало израелскиот напад врз Доха.