Нов ценовен шок – свинското месо поскапо за 40 денари 

Еден килограм свежо свинско место од денеска се продава за 40 денари поскапо. Трговците ова поскапување го образложуваат со зголемувањето на цената на свинското месо на светските берзи и недостатокот на свинско месо на пазарот. Еден килограм живо свинско месо се продава по 150 денари за килограм, а во месарниците свежото свинско месо се продава од 350 до 450 денари за килограм, во зависност од категоријата.

На цената влијаеше и појавата на африканската чума во најголемата фарма во карбинскиот регион. Од вчера е почната еутаназијата на 9.000 свињи од оваа фарма.

Викендов првиот човек на Агенцијата за храна и ветеринарство, Никола Бабовски порача дека нема потреба да се манипулира за зголемување на цената на свежото свинско месо, но големите одгледувачи одлуката веќе ја донеле.

Се најавува зголемување на цените и на млечните производи. Се очекува и одлуката на Владата за враќање на намаленото ДДВ за повеќе од 1.000 производи.