Македонскиот брачен пар се извлече од Газа 

Министерот за надворешни работи Бујар Османи тукушто информираше дека брачниот пар, последните двајца наши државјани кои се наоѓаа во ризичните зони, се евакуирани од Газа.Во моментов тие се на безбедно, привремено вдомени во Каиро, и наскоро ќе бидат упатени назад во Македонија.
„Сакам да оддадам посебно признание за посветеноста и професионалноста до вршителите на работи во амбасадите во Тел Авив и Каиро, Мачеј Качоровски и Елма Алторок, кои вложија извонредни напори во постојана комуникација со надлежните институции на Египет и Израел како и со нашите државјани“, соопшти Османи.