ФИФА избриша сопствени „твит“ за Кристијано, причината е интересна

Бразилскиот десен бек на Јувентус, Данило, се фати за гуша со… ФИФА. Светската фудбалска централа објави „твит“ во кој се поклонува на големото достигнување на португалската ѕвезда на Јувентус, Кристијано Роналдо, што се состои во тоа дека ЦР7 го има освоено барем еднаш трофејот во трите најсилни првенства во европскиот клупски фудбал – англиската Премиер лига со Манчестер Јунајтед, шпанската Ла Лига со Реал Мадрид и италијанската Серија „А“ со Старата Дама.

Досега добро. Проблемот е во тоа што ФИФА напиша дека нема друг играч на светот со истото достигнување. Сепак, има еден и неговото име е Данило. 29-годишниот Бразилец е шампион на Англија со Манчестер Сити, претходно шампионот на Шпанија со Реал Мадрид, а со неговиот сегашен клуб е бр.1 во Италија.

FIFA deleted their tweet after Danilo quoted them lmao pic.twitter.com/CRNFcciuiE

— Rohit (@MessiFC10i) July 27, 2020

Данило го цитираше „твитот“ на ФИФА на својот профил на Твитер, јасно изразувајќи го своето изненадување од информациите дадени од светскиот фудбалски штаб. Ова очигледно стигна до ФИФА, бидејќи организацијата очигледно ја сфатило нивната грешка и го избриша „твитот“ за Кристијано.

Треба да се напомене, секако, дека придонесот на Данило во титулите на горенаведените тимови е далеку помал од оној на Роналдо, но фактите се факти – Бразилецот може да се пофали со истото достигнување како она на 35-годишната фудбалска икона.

Leave a Reply

Your email address will not be published. Required fields are marked *

Следете нè на Facebook!


This will close in 30 seconds

Show Buttons
Hide Buttons