Детали за опасниот пожар во Карбинци: Спасени две лица, пеплосана нивната куќа (ФОТО)

Две лица со посебни потреби и со влошено здравје се спасени од вчерашниот опасен пожар кој изби во Општина Карбинци, а во кој целосно е изгорена нивната куќа.

Од Центарот за управување со кризи денеска информираат дека вчера на терен од 15 до 21 часот биле 26 пожарникари со 4 возила и 15-тина жители од месното население кои помагале во интервенцијата.

фото: ЦУК

-Причина за пожарот бил дефект во трафостаница од каде била зафатена сува трева, стрниште и една куќа. На лице место биле и 3 полицајци, кои интервенирале во евакуирањето на двајца жители од опожарената куќа (лица со посебни потреби). Куќата потполно изгорела, а било спречено пожарот да се прошири и на друга куќа, информираат од ЦУК.

Пожарот почнал брзо да се шири потпомогнат од ветрот, се проширил кон ожнеаните ниви, а било зафатено и необработеното земјиште коешто било обраснато со висока сува трева и нискостеблести деградирани растенија – грмушки.

Leave a Reply

Your email address will not be published. Required fields are marked *

Следете нè на Facebook!


This will close in 30 seconds

Show Buttons
Hide Buttons