Боки 13 спроведен во затвор

Обвинетите за случајот Рекет, Бојан Јовановски – Боки 13 и Катица Јанева да бидат спроведени од домашен притвор во затвор на издржување на затворската казна. Ваква наредба е дадена откако Апелациониот суд ги одби жалбите на обвинетите во случајот Рекет и на Јавниот обвинител и ја потврди провостепената пресуда во целост. По комплетирањето на предметот тој се доставува до судија за извршување санкции, кој издава наредба за спроведување во затвор.

Јовановски е спроведен во затворот Идризово, каде треба да ја издржува казната затвор од девет години, потврдил на 24 вести, директорот Јовица Стојановиќ.

Апелација ја потврди првостепената пресуда за „Рекет“

Предметот ќе биде доставен и до судија за извршување санкции при Основниот суд во Гевгелија надлежен според место на живеење за понатамошно постапување за обвинетaта Катица Јанева, соопштуваат од Кривичен суд. Поранешната специјална обвинителка Јанева е осудена на седум години затвор.

Јанева за случајот „Рекет“е осудена за „примање награда за противзаконито влијание“ и „злоупотреба на службена положба и овластување, а Јовановски казната ја доби за кривично дело „перење пари и други приноси од казниво дело“.

Leave a Reply

Your email address will not be published. Required fields are marked *

Следете нè на Facebook!


This will close in 30 seconds

Show Buttons
Hide Buttons